Rooikat Vanghok

Die rooikat hok se afmetings is 1.72m x 0.4m x 0.6m met twee valdeure wat gelyk toeval en sluit nadat die trap plaat aangeraak word. Die meganisme werk met swaarte krag en geen kabels of veertjies wat kan roes of breek nie, en sit ook buite die hok waar gevangde dier nie kan bykom nie. Saam met die rooikat vanghok word ‘n prooihok aanbeveel waarin ‘n lewendige hoender of tarentaal gesit kan word. Die prooihok het ‘n “self-feeder” vir die hoender in. Daar is ook ‘n enkeldeur rooikat hok opsie beskikbaar. Die rooikat hok is vlakvark bestand gebou en kan jakkalse ook vang.

Luiperd Vanghok

Die luiperd hok is natuurlik 'n baie sterk geboude hok, want as daai kolle kat in 'n hok gevang is het hy sy sin vir humor heeltemal verloor. Die hok se afmetings 2.2m x 0.6m x 0.8m, met 'n enkel valhek wat outomaties sluit sodra trap plaat aangeraak word. Hok het ook 'n binne deur wat afslaan en 'n kompartement vorm vir lewendige of dooie aas. 'n Deurloop luiperd hok is ook beskikbaar. Sy afmetings is 3mx 0.6m x 0.8m. Sommige luiperds en jagluiperds vang jy net met 'n deurloop hok.

Vanghokke van verskeie groottes

asook dipbakke, skiettafels en

skietstoele, kalftrekkers en lekwiele

word vervaardig.

Produkte

Ons hokke se werking word gewaarborg. Hokke vir rooikat, jakkals, huiskat, muskeljaatkat, luiperd, bobbejane en vele meer word gebou.